Partnerja e aktorit Nick Cannon i vendos ultimatum: Nëse bëhet baba për herë të 13-të, i jap fund lidhjes

Partnerja e aktorit amerikan Nick Cannon, Bree Taisi, ka vendosur një kufi të qartë në marrëdhënien e tyre, nëse ai bëhet sërish baba, ajo do t’i japë fund lidhjes.

Taisi, 35 vjeçe, e cila është në një marrëdhënie të hapur me aktorin 46-vjeçar, foli për këtë çështje në podcastin “Lip Service”. Ajo e përshkroi Cannon si partnerin e saj të jetës, por theksoi se nuk dëshiron që familja e tyre të zgjerohet më tej.

“Nëse ai do ketë një fëmijë tjetër, unë largohem. Kaq”, u shpreh ajo, duke shtuar se nuk do të ketë një fëmijë tjetër.

Shqetësimi i saj lidhet edhe me kohën që aktori mund t’i kushtojë djalit të tyre, duke qenë se ai është tashmë baba i 12 fëmijëve nga marrëdhëniet me gjashtë gra të ndryshme.

“Ka vetëm një numër të caktuar orësh në ditë. Ka kaq shumë fëmijë dhe kaq shumë gjëra që ndodhin. Nëse je tashmë i pranishëm në kaq shumë drejtime, si do të shtosh edhe më shumë? Unë nuk dua të shtoj më shumë”, tha Taisi.

Ajo e bëri të qartë se nuk dëshiron që numri i fëmijëve të tyre të shkojë në 13, duke deklaruar: “Nuk do t’i bëjmë 13”.

Megjithatë, duket se Cannon nuk e ka përjashtuar mundësinë për t’u bërë sërish baba. Në një episod të podcastit “We Playin’ Spades”, në mars të vitit 2025, aktori u shpreh se nuk e kishte përfunduar ende këtë kapitull të jetës së tij.

Kur u pyet nëse mund të kishte një fëmijë tjetër, qoftë me një partnere të re apo me njërën prej nënave të fëmijëve të tij, Cannon u përgjigj: “Nuk e di. Kjo është çështja. E lë në dorë të Zotit”.

Deklaratat e tyre tregojnë se çështja e zgjerimit të familjes mbetet një pikë ku partnerët kanë qëndrime të ndryshme, ndërsa Taisi ka paralajmëruar se një fëmijë i 13-të mund të shënojë fundin e marrëdhënies së tyre.