Ukraina duhet të pranojë se një pjesë e territorit të saj do të jetë përkohësisht nën pushtimin rus, edhe nëse lufta përfundon, tha presidenti çek Petr Pavel.
“Rezultati më i mundshëm i luftës do të jetë që një pjesë e territorit ukrainas të jetë përkohësisht nën pushtimin rus,” tha Pavel në një intervistë me The New York Times.
“Kur flasim për humbjen e Ukrainës apo Rusisë, kjo thjesht nuk do të ndodhë”, theksoi Pavel, duke shtuar se as Ukraina dhe as Rusia nuk mund të presin të sigurojnë qëllimet e tyre të luftës.
Deklaratat e tij vijnë në momentin kur Asambleja e Përgjithshme e Kombeve të Bashkuara në Nju Jork ka nisur punimet dhe ku Ukraina është një nga temat e nxehta.
Pavel, një ish-gjeneral i NATO-s, i cili i bëri thirrje Bashkimit Evropian të blinte predha artilerie nga vendet e treta për t’i dorëzuar në Kiev, ka qenë një nga mbështetësit më të vendosur të Ukrainës të rezistencës së saj kundër presidentit rus Vladimir Putin, por ai ka bërë deklarata të ngjashme edhe më parë.
Në gusht, ai tha se çdo marrëveshje paqeje e arritur midis Rusisë dhe Ukrainës nuk ka gjasa të jetë e drejtë dhe tha se Ukraina duhet të lejohet të bashkohet me NATO-n, edhe nëse nuk arrin të çlirojë territorin e saj të pushtuar.
Burimi: botasot.info
