Nga Ministria e Punëve të Brendshme njoftojnë se gjykata ka shqiptuar masën e paraburgimit 30 ditor ndaj 35-vjeçarit me iniciale A.B. nga Haraçina e Shkupit, përcjell TV21. Nga MPB njoftojnë se i njëjti në ora 05:20 gjatë ditës së djeshme, në vendin e quajtur “Milici” në Gjevgjeli, është kapur duke transportuar emigrantë nga Irani.
“Punonjësit e policisë kanë vërejtur se si një grup emigrantësh kanë hyrë në veturën “Chrysler” me targa të Shkupit, me të cilën ai drejtonte. Automjeti u ndalua dhe pranë tij u gjetën nëntë emigrantë nga Irani, që më parë kishin dalë nga automjeti”, shtojnë nga MPB.
Burimi: TV21
