Papa Françesku u lirua nga spitali sot nëntë ditë pasi iu nënshtrua një operacioni të hernies abdominale, transmeton Anadolu.
Ai u largua nga spitali Gemelli i Romës me një karrocë, prej ku përshëndeti pacientët e tjerë dhe gazetarët.
“Jam gjallë”, iu përgjigj ai pyetjeve të gazetarëve në lidhje me shëndetin e tij.
Kryekirurgu Sergio Alfieri, i cili operoi papën më 7 qershor, tha se ai është mirë dhe se do të jetë në gjendje të përballojë udhëtimet e tij më mirë se më parë.
“Do të jetë një papë më i fortë”, tha Alfieri.
Për shkak të operacionit dhe shtrimit në spital, papa, 86 vjeç, kishte anuluar të gjitha angazhimet e tij deri më 18 qershor.
Ai është planifikuar të bëjë udhëtime në Portugali dhe Mongoli në gusht.
