Pakistani do ta shënojë nesër festën kombëtare të pavarësisë me një program të pasur dhe me aktivitete publike, raporton Anadolu.
Dita e Pavarësisë në Pakistan është një nga festat më të rëndësishme kombëtare, e cila festohet më 14 gusht, datë kur Muhamed Ali Xhinnah shpalli pavarësinë e vendit në vitin 1947.
Përgatitjet për të festuar 76-vjetorin e pavarësisë janë duke u zhvilluar në të gjithë Pakistanin, me shumë tezga të ngritura në rrugë që shesin flamuj kombëtarë dhe pajisje në ngjyrat kombëtare të gjelbër dhe të bardhë të Pakistanit.
Në kuadër të festës u paralajmëruan gara të shumta sportive, aktivitete kulturore, seminare për procesin e pavarësisë dhe koncerte.
