Pas përfundimit të takimit të këshillit të përgjithshëm të Lidhjes Demokratike të Kosovës, kryetari i kësaj partie Lumir Abdixhiku tha se
Abdixhiku u tha mediave se Vjosa Osmani do të jetë vetë e 20-ta në listën përfaqësuese të LDK-së.
Abdixhiku: Osmani do të jetë vetë e 20-ta në listën përfaqësuese të LDK-së
“Zonja Osmani do të jetë bartëse e listës së LDK-së dhe do të jetë vetë e 20-ta në listën përfaqësuese të LDK-së, gara do të jetë propozcionale sa i përket renditjes brenda listës, të cilat çështje teknike që tash sekretariati i LDK-së i trajton me kohë… Ishin 103 vota për”, tha Abdixhiku.
Ndërsa për mungesën e Hykmete Bajramit dhe Avdulllah Hotit në takimet e fundit, ai u shpreh se edhe ata janë pjesë e listës garuese dhe do të vazhdojnë angazhimet.
Abdixhiku: Bajrami e Hoti janë në LDK
“Jo në të gjitha takimet e LDK-së mund të marrin pjesë të gjithë njerëzit e LDK-së por ata janë pjesë e listës…Nuk mund të jesh edhe pjesë e listës edhe të jesh kundër, nuk ka logjikë. Nëse je kundër dikujt i del përballë jo bashkë, pra jemi bashkë…Duhet t’i pyesni pse s’po vijnë në takime por ata janë pjesë e LDK-së”, u shpreh ai.
Më tej, ai theksoi se kush nuk e dëshiron bashkimin e LDK-së nuk e do as vetë LDK-në.
Abdixhiku: Ata që nuk e duan bashkimin e LDK-së nuk e duan as vetë LDK-në
“Për besë, ata që nuk e duan bashkimin e LDK-së nuk e duan as vetë LDK-në. Të jesh kundër bashkimit vetvetiu je kundër qëllimit të vetë ekzistencës së LDK-së. Fundi, emri ynë është Lidhje Demokratike dhe si të tillë po bëhemi bashkë”, tha ai.
Ndërsa për mungesën e kryetarit të Lipjanit, Imri Ahmeti, Abdixhiku potencoi se i njëjti ishte i angazhuar në terren.
E për përqindjen e votave që do t’i marrin në këto zgjedhje, ai pati një përgjigje interesante.
Abdixhiku: Përqindjen në zgjedhje e marrim sa të dojë qytetari i Kosovës
“Sa ta ketë vendosur qytetari i Republikës së Kosovës, e jona është të bëjmë një ofertë, të punojmë fortë, ta përbashkojmë çdo mbështetës tonin, më pas do të jetë vullnet i qytetarëve të Kosovës…Ato janë dëshira elektorale të mëdha por ne po përpiqemi të flasim me qytetarët tanë që t’i përfaqësojmë ata…Dëshirat e mia janë të shumta por nuk është momenti”, u përgjigj ai.
Kreu i kësaj partie u shpreh optimist se kanë kandidaten më të mirë për presidente dhe se presin nga populli që të të mbështet më 7 qershor.
Burimi: botasot.info
