Nënkryetari i BDI-së, ish-ministri i Jashtëm, Bujar Osmani, gjatë një vizite pune në Paris, ka zhvilluar takime në institucionet franceze, ku në fokus ishin integrimi evropian i Maqedonisë së Veriut dhe stabiliteti në vend. Osmani kërkoi angazhim më të fuqishëm të Francës për zhbllokimin e procesit të integrimit, si dhe mbështetje në raportet me Bullgarinë.
Ai theksoi se vendi nuk duhet të mbetet jashtë proceseve kryesore evropiane. Vëmendje e veçantë iu kushtua edhe Marrëveshjes së Ohrit, për të cilën Osmani shprehu shqetësime lidhur me të drejtat gjuhësore, përfaqësimin e drejtë dhe respektimin e parimeve të saj, duke nënvizuar se zbatimi i saj mbetet thelbësor për stabilitetin dhe të ardhmen e vendit.
Burimi: lajmpress.org
