Drejtori i Agjencisë së Zbatimit të Gjuhës, Granit Osmani, ka zhvilluar sot një takim pune me zëvendëskryeministrin e parë dhe ministrin për Çështje Evropiane, Bekim Sali.
Në këtë takim, bashkëbiseduesit kanë diskutuar për çështje që lidhen drejtpërdrejt me funksionimin e Agjencisë së Zbatimit të Gjuhës, me theks të veçantë në përmirësimin e efikasitetit institucional dhe avancimin e zbatimit të politikave gjuhësore.
Osmani dhe Sali janë pajtuar për nevojën e koordinimit më të ngushtë ndërinstitucional, me qëllim rritjen e performancës dhe përmbushjen sa më të plotë të obligimeve ligjore që dalin nga fusha e përdorimit të gjuhëve.
