Ylli i Hollivudit, aktori Orlando Bloom ka rrëfyer për një moment nga një kohë e errët e jetës së tij.
Aktori i “Pirates of the Caribbean” tregoi rikuperimin e tij fizik dhe mendor pas një aksidenti gati fatal që i ndodhi kur ishte adoleshent. Ai detajoi aksidentin, duke treguar se po ngjitej në një tarracë kur u shemb tubi i kullimit që po mbante, raporton People.com, transmeton Klankosova.tv.
“Ky ishte me të vërtetë fillimi i asaj që ishte një udhëtim i gjatë dhe i dhimbshëm për mua për të njohur dhe kuptuar disa nga modelet që kishin qenë në jetën time që më kishin çuar në aksidente të shumta. Dhe kulmi ishte thyerja e shpinës sime, e cila ishte një përvojë afër vdekjes”, ka thënë Bloom.
“Kur isha 19 vjeç, rashë nga kati i tretë dhe theva shpinën. Pata shumë fat që mbijetova, palca kurrizore ishte e paprekur. Megjithatë, pas aksidentit, mjekët më thanë se mund të mos ecja më kurrë”, shtoi ai.
Pas operacionit aktori kishte filluar me terapi fizike dhe pas vetëm 12 ditësh në spital, Bloom doli jashtë me paterica.
Pavarësisht rikuperimit të tij fizik “të jashtëzakonshëm dhe të padëgjuar”, aktori tha se shëndeti i tij mendor ishte ai që u përkeqësua kur u kthye në shtëpi.
“Unë do të thoja që muajt pas aksidentit ishin një kohë mjaft e errët. Sdikush që kam qenë gjithmonë shumë aktiv në jetën time, u ndjeva shumë kufizues papritmas dhe pata shumë dhimbje”, tha Bloom
“Shëndeti mendor është veçanërisht sfidues sepse nuk shihet. Ka gjithmonë një mundësi për ju që ta transformoni dhimbjen, qoftë fizike apo mendore, në fatin e madh dhe të mirë të jetës suaj”, përfundoi ai.
Në një intervistë të vitit 2005 me GQ, Bloom pati treguar se aksidenti i tij ndryshoi pikëpamjen e tij për jetën.
