Opozita Parlamentare jo konstruktive!…

Ne kohën kur rreth Kosovës po zhvillohen propaganda më të ndryshme të Serbisë, Rusisë dhe shërbimeve tjera të cilat nuk ja dojnë të mirën Republikës së Kosovës Parlamenti i Kosovës është shndërruar në arenë të shpifjeve, akuzave dhe debateve joparimore kundër Qeverisë dhe Institucioneve aktuale të Kosovës. Ky mjerim u pa javën qe shkoj edhe me rastin e bllokimit të rrugëve nga ana e strukturave kriminale serbe në pjesën Veriore të Kosovës. Derisa serbia me propagandën e saj destruktive i kishte aktivizuar të gjithë arsenalin propagandistik kundër Kosovës, një pjesë e Deputeteve të opozitës të Parlamentit të Kosovës jo që nuk u angazhuan fare rreth institucioneve të Qeverisë së Kosovës për ti bashkërenduar qëndrimet rreth kërcënimeve nga Vuqiqi dhe shteti serbë por ata e bojkotuan edhe takimin me Presidenten dhe Kryeministrin e Republikës së Kosovës. Kjo është e pafalshme për liderët e opozitës dhe Deputetet të cilët po sillen në mënyrën më destruktive ndaj Shtetit të Kosovës dhe sigurisë së vendit. Shumë poshtë ka ra politika dhe mendësia e liderëve opozitar të cilët me deklaratat dhe veprimet e tyre po e pasqyrojnë papjekurinë dhe arrogancën për të udhëhequr ne politikë. Këto tendenca paushallë duke kritikuar nga kafiterit dhe pallatet private nuk i bëjnë nder askujt e më së paku atyre të cilët që nga paslufta janë pjesë e të gjitha proceseve politike, të dështimeve dhe degradimeve që i ndodhen Kosovës, në të gjitha poret e jetës. Kjo është e neveritshme: të kritikosh pa marrë asnjë përgjegjësi në momentin kur policia e Kosovës në veri ballafaqohet me rrezikun permanent nga grupet kriminale të instaluara nga shteti serbë është e pajustifikueshme për liderët politikë apo subjektet e tyre që i përfaqësojnë. Kosova është një Shtet i posalindur me një popullatë simbolike, me një ekonomi të varfër e cila në vazhdimësi u shkatërrua nga Institucionet të cilat me vite përmes formave më kriminale përkatësisht përmes agjencionit  të privatizimit i gllabëruan të gjitha resurset e këtij vendi. Duhet theksuar se kohëve të fundit disa Deputet të grupeve Parlamentare janë bërë të padurueshëm për audiencën. Ata po mendojnë se duke vrapuar para mikrofonit në foltoren e Parlamentit, dojnë të arrijnë ndonjë simpati apo përkrahje nga qytetaret. Fatkeqësisht kjo mendësi e politikëbërjes atyre po ua zbeh imazhin dhe imunitetin e Deputetit, emër të cilin  më së paku e meritojnë një numër prej tyre. Rrethanat aktuale në Botë po tregojnë se është koha e fundit të vedisohemi si popull, të përafrohemi duke i lënë anash interesat e ngushta partiake dhe hilet të cilat po i dëmtojnë proceset zhvillimore të Republikës së Kosovës. Edhe njëherë duhet theksuar se një numër i Deputetëve dhe politikanëve është mirë që sa më parë ti kthehen familjes dhe të mirën me punë tjera, aq më shumë populli do ti ua di për nder. Koha e bajraktarëve ka mbaruar qysh moti. Bajraktarizmi ndasitë dhe përqarjet e kanë dëmtuar gjatë historisë popullin Shqiptarë.