Aplikacioni ChatGPT për Android tashmë është i disponueshëm në Google Play Store duke debutuar pak muaj pasi aplikacioni iOS solli robotin me inteligjencë artificiale në iPhone dhe iPad.
Sipas një cicërime në rrjetin social Twitter, aplikacioni fillimisht u lançua në SHBA, Indi, Bangladesh dhe Brazil ndërsa vende të tjera do të mund ta shkarkojnë në vijim.
Lançimi i aplikacionit Android erdhi pasi Sensor Tower dhe Similarweb raportuan rënie të trafikut dhe instalimeve në Qershor.
ChatGPT for Android is now available for download in the US, India, Bangladesh, and Brazil! We plan to expand the rollout to additional countries over the next week. https://t.co/NfBDYZR5GI
— OpenAI (@OpenAI) July 25, 2023
ChatGPT është konsideruar shërbimi me rritjen më të shpejtë pasi mori 100 milionë regjistrime në një muaj. Megjithatë erdhi Threads për të pretenduar këtë rekord të ri.
Roboti AI fuqizohet nga modeli GPT-4 për përdoruesit e ChatGPT Plus dhe GPT-3.5 për përdoruesit pa pagesë të tij. Ky model është implementuar edhe në Bing AI.
Deri më sot Microsoft dhe OpenAI janë kompanitë e vetme që kanë një aplikacion ndërsa Google Bard mbështetet vetëm në një ueb aplikacion. /PCWorld Albanian
BURIMI: PCWORLD.AL
