“Dashuri dhe Turbulenca”, filmi që vijon të shfaqet në kinematë shqiptare për të gjithë ata që e kanë humbur komedinë, ka shumë histori të bukura prapaskenash. Stjuardesa italiane, Françeska, e cila interpretohet nga Olimpia Smajlaj, sot ishte e ftuar në “Rudina” në Tv Klan për të treguar më shumë për këtë projekt, i cili për të ka qenë shumë i rëndësishëm.
Olimpian, të gjithë e njihni si vokalisten e njohur të “Xing me Ermalin” dhe prej andej, e keni ndjekur edhe në mbrëmje live apo edhe në gara muzikore. Por filmi ishte një përvojë tjetër e bukur që Olimpias i ka shijuar shumë.
Në “Dashuri dhe turbulenca”, Olimpia i ka pasur turbulencat më të mëdha me Danielin (Gentian Zenelajt) gjatë skenave të puthjeve, të cilat paskan qenë pak të sikletshme në fillim.
Për sa i përket realizimit të puthjeve nuk është se ishte shumë e vështirë, mbase vetëm dubla e pare, që akoma nuk ka pasur një kontakt fizik mes teje dhe personit tjetër, që është pak e sikletshme, por pastaj që duhet të bësh shumë dubla, sepse është pjesë e procesit, nuk është më problem.
“Dhe sa dubla bëtë?” – ishte pyetja e menjëhershme e Rudinës, së cilës Olimpia iu përgjigj: “Aq sa donte Dionis Papadhimitri. Dublat janë pafund, ke planet përballë që janë të dyja, planet vetëm për mua, planet vetëm për Gentin, ke sa të duash”.
