Zyrtarët ukrainas thonë se dhjetë korridore humanitare për evakuimin e njerëzve nga rajonet e rrethuara nga forcat ruse janë rënë dakord për sot. Zëvendëskryeministrja, Iryna Vereshchuk tha se korridoret e propozuara përfshijnë një për njerëzit që të arratisen nga Mariupol, raporton BBC, transmeton Bota sot.
Vetëm disa nga dhjetëra mijëra njerëz të bllokuar në qytetin port të shkatërruar deri më tani kanë mundur të largohen, të tjerë janë ende në nevojë për shpëtim. Shpresohet se korridoret e reja humanitare do t’i ndihmojnë të tjerët të shpëtojnë.
Forcat ukrainase ende kontrollojnë pjesën më të madhe të qytetit, i cili ka qenë më i bombarduari që nga pushtimi rus. Dhe granatimet tani janë intensifikuar edhe më shumë sipas guvernatorit të rajonit, i cili po paralajmëron se më shumë forca ruse po mbërrijnë.
Zëvendëskryeministri i Ukrainës ka thënë se rreth dhjetë mijë njerëz janë arratisur nga qytetet në jug dhe lindje përmes korridoreve humanitare gjatë dy ditëve të fundit.
