Obama: Inteligjenca artificiale po evoluon me shpejtësi, rrezik nëse nuk vihet nën kontroll

Ish-presidenti i SHBA-së, Barack Obama paralajmëroi se inteligjenca artificiale mund të jetë e rrezikshme nëse nuk e menaxhohet siç duhet, duke i nxitur demokratët të formësojnë axhendat e politikave dhe qeverisjes për të adresuar çështjen.

Vërejtjet e tij vijnë ndërsa një numër gjithnjë e në rritje i ligjvënësve amerikanë po bëjnë thirrje për rregulla më të rrepta për sistemet e inteligjencës artificiale, pas paralajmërimeve të zymta nga dy studiues të Anthropic se përparimi i shpejtë i industrisë rrezikon zhdukjen e racës njerëzore.

“Kjo është diçka që po kalon shumë shpejt në duar private dhe, nëse nuk e kontrollojmë, mendoj se mund të bëhet e rrezikshme”, tha Obama.

“Sapo të bëheni Kryetar i Dhomës së Përfaqësuesve, do t’u rekomandoja fuqimisht Demokratëve të formësojnë një kornizë për një debat shumë publik”, shtoi ai.

Ai gjithashtu u bëri thirrje kandidatëve në garën presidenciale të vitit 2028 që ta bëjnë inteligjencën artificiale një nga çështjet qendrore në axhendën e tyre, me një plan shumë të qartë për të adresuar shqetësimet e lidhura me sigurinë dhe ekonominë.