Sot, ushtria ruse ka pretenduar se ka kryer sulme të reja raketore ndaj objektivave ushtarake në Ukrainën perëndimore, qendrore dhe jugperëndimore.
Ministria e Mbrojtjes e Rusisë thotë se katër predha që u hodhën ishin raketa Kalibr të drejtuara me saktësi dhe ato shkatërruan me sukses armët dhe infrastrukturën ushtarake ukrainase në rajonin Zhytomyr, shkruan CNN, përcjell “Bota sot”.
Në një deklaratë të lëshuar të shtunën, zëdhënësi i Ministrisë ruse të Mbrojtjes, Igor Konashenkov tha se raketat e lundrimit Kalibr të lëshuara nga deti “shkatërruan një depo me municion dhe armë pranë vendbanimit Velyki Korovyntsi, rajoni Zhytomyr”.
Konashenkov vazhdoi: “Gjithashtu, një raketë lundrimi Onyx me precizion të lartë shkatërroi një bazë karburanti në zonën e Mykolaiv, e cila furnizoi me karburant grupimin AFU [Forcat e Armatosura të Ukrainës] në pjesën jugore të Ukrainës.”
