Trajneri i Dritës, Ardian Nuhiu, ka folur për shortin e Ligës së Konferencës. Drita në raundin e parë kualifikues të kësaj gare, do të përballet me Inter Turkun e Finlandës.
Ndeshjen e parë, më 7 korrik, Drita do ta luajë në Finlandë kurse të kthimit pas një jave në Kosovë.
“Në këto nivele çdo skuadër ka cilësitë dhe vlerat e veta, prandaj kundërshtari ynë meriton respekt maksimal dhe një analizë të detajuar. Kemi kohën e mjaftueshme për të analizuar ekipin e FC Inter Turku, pasi që kampionati në Finlandë është ende duke u zhvilluar. Kjo na mundëson që të marrim edhe më tepër informacione për kundërshtarin tonë dhe ne të vazhdojmë punën e përgatitjet”, ka thënë trajneri Nuhiu për faqen zyrtare të Dritës në Facebook.
