Xhudistja e Kombëtares së Kosovës, Nora Gjakova (-57) është fituese e medaljes së bronztë në garën prestigjioze Grand Slam, që po mbahet në Baku të Azerbajxhanit.
Nora ka treguar formë të lartë në luftë për medaljen e bronztë, në përballje me belgen Mina Lieeber.
Ajo e kontrolloi luftën me sukses duke shënuar fitore ndaj rivales.
Nora është stolisur me medalje, duke arritur edhe një sukses të madh në një garë shumë të fortë.
