Këtë vit, duket se vjeshta dhe dimri erdhën pak më vonë, dhe nëse ka një ditë që na e konfirmoi ardhjen e tyre është pikërisht kjo e sotmja. Temperaturat janë ulur, bie shi dhe megjithatë, qyteti duket kaq bukur!
Ju mund të merrni më të mirën e zymtësisë së qytetit, duke bërë disa nga aktivitetet e mëposhtme në shtëpinë tuaj:
– Ftoni miqtë për një kakao të ngrohtë dhe një film të këndshëm.
– Lexoni atë romanin që s’po e përfundoni prej kohësh ose përfundoni atë serialin që keni nisur kohë më parë.
– Bëni një pastrim të thellë në shtëpi, për të shijuar më pas “veprën” tuaj të artit.
– Vendosni një listë me këngë qetësuese dhe futeni veten në një gjendje meditimi, në të cilën s’mund t’ju prekë askush.
– Punoni: Mund të jetë diçka e lënë përgjysmë në punë, një punë e dytë, apo një kurs që do t’ju rrisë profesionalisht.
– Provoni të gatuani receta të reja.
– Porosisni nga një restorant i ri.
– Ndizni qirinj aromatikë.
– Organizoni dollapët, sirtaret e shtëpisë ose dhomës suaj.
– Bëni stërvitje në shtëpi.
– Telefononi gjyshërit dhe/ose prindërit tuaj.
– Bëni një pastrim të çdo gjëje të tepërt në telefonin tuaj: Aplikacione, foto, mesazhe, etj.
