Kryeministri Edi Rama këtë të premte vetëm një ditë para kongresit të PS-së do të zhvillojë një takim me kabinetin qeveritar.
Takimi i Ramës me ministrat do të zhvillohet tek Vila 30.
Ndërkohë kujtojmë se nesër më 9 prill Partia Socialiste do të mbledhë kongresin, që duket se do të ketë një mënyrë ndryshe nga ato që janë zhvilluar më parë.
Kongresi i PS-së nuk do të jetë i vendosur vetëm tek Pallati i Kongreseve, por do të jetë i shtrirë dhe në sheshet e kryeqytetit dhe pjesë e tij do të jenë edhe qytetarët.
Ndërkaq më parë kreu i PS-së, Rama ka komentuar se në këtë kongres nuk do të ketë ndryshime në qeveri.
