Një burrë ka vrarë dy fëmijë, një mësuese dhe veten pasi hapi zjarr në një çerdhe në Rusi, sipas raportimeve të mediave lokale.
Policia dhe emergjenca nxituan në shkollën në rajonin e Ulyanovsk në perëndim të vendit pas raportimeve për të shtënat.
Një burrë kishte hapur zjarr brenda çerdhes, duke vrarë dy fëmijë dhe një mësuese përpara se të kthente armën kundër vetes, raporton Tass.
Mësohet se fëmijët ishin pesë dhe gjashtë vjeç.
“Ai hapi zjarr në dhomën ku flinin fëmijët”, tha një burim për agjencinë e lajmeve, përpara se të pretendonte se një anëtar i dytë i stafit mori një plagë me armë zjarri në krah.
Burimi tha për Tass se pas të shtënave mund të ketë qenë një konflikt në familje, megjithëse kjo nuk është konfirmuar nga agjencitë ligjzbatuese.
Guvernatori i rajonit, Aleksey Russkikh, do të fluturojë në vendin e tragjedisë dhe ka urdhëruar që t’u jepet ndihmë emergjente familjeve të të vrarëve.
Identiteti i personit të armatosur nuk dihet, megjithëse disa raporte në internet kanë pohuar se arma ishte në pronësi të një 68-vjeçari.
Njerëzit në vendngjarje kanë thënë se personi i armatosur dukej të ishte shumë më i ri se kaq, raporton Moscow Times.
