Nisin bisedimet për shkëputjen e kontratës së Depayt me Barcelonën
Memphis Depay pritet që të largohet nga Barcelona në afatin kalimtar të kësaj vere.
Eksperti i transferimeve, Fabrizio Romano, ka bërë të ditur se përfaqësuesit e lojtarit janë në bisedimet me klubin katalunas për të arritur një marrëveshje për shkëputje të kontratës.
Barcelona kërkon 20 milionë euro nga shitja e Depayt, por thuhet se nuk ka mundësi që ai të largohet për një çmim të tillë .
Në anën tjetër, sulmuesi holandez do të pranojë të largohet nga “Camp Nou” vetëm në rast se do të gjejë opsionin e duhur për të ardhmen e tij.
Sipas Romanos, 28-vjeçari do të marrë në konsideratë vetëm klubet kryesore.
Ish-sulmuesi i Lyonit me Barcelonën ka kontratë të vlefshme deri më 30 qershor 2023.
Nga mediat spanjolle është raportuar se Juventusi është klubi më favorit për të nënshkruar me Depayn..
