Shkup, 16 Nëntor – Ndryshimet në ligjin për ushqimet e subvencionuara do të bëhen sërish me procedurë të shkurtuar. Me 54 vota pro, deputetët miratuan ndryshimet dhe tani ato do t’i dërgohen Komisionit për Financim dhe Buxhet dhe Komisionit Legjislativo-Ligjor për ta diskutuar propozimin dhe më pas do të kalojë në seancë plenare. Sipas deputetes Jaklina Lazarevska nga radhët e LSDM-së, kërkesat e studentëve janë respektuar dhe zgjatja e pagesës së parave të ushqimit deri në muajin mars është vetëm një zgjidhje e përkohshme.
Sipas opozitës, këto ndryshime në ligj vetëm sa vijojnë revoltën studentore. Ndërkohë studentët nga të gjitha Universitetet janë bashkuar dhe nesër do të zhvillojnë marsh në ditën ndërkombëtare të studentëve. Në orën 17.30 do të dalin nga Qeveria dhe do të kalojnë në Ministrinë e Arsimit. – Kërkesa të përbashkëta të të gjithë studentëve janë renovimi i konvikteve studentore, tha Slavço Temelkovski – kryetar i Kuvendit Studentor Universitar të UKIM. Të hënën, derisa po mbahej protesta para Kuvendit, studentët brenda vendit u pajtuan me qeverinë që nga muaji mars të jetë 150 denarë dhe të përfshihen aktivisht në grupet punuese për të sjellë ndryshime ligjore ndikojnë në to.
Burimi: zhurnal.mk
