Negociatat për kandidaturën për presidentin e ri të vendit do të vijojnë në orët në vijim mes grupit të Enkelejd Alibeajt dhe grupeve parlamentare të Fatmir Mediut dhe Mesila Dodës.
Gazetari i “Panorama” Mariglen Kume bën me dije se Alibeaj do të ketë një takim me grupet e PR/PDIU pas mbledhjes me deputetët e grupit parlamentar demokrat që u mbajt këtë të enjte në orën 12:00.
Mësohet se Mediu dhe Doda kanë kërkuar që diskutimet të vijojnë pasi grupi parlamentar i PD të diskutojë dhe të dalë me një qëndrim për kandidaturat.
Kujtojmë që PD do të propozojë katër kandidatura, ndërsa aleatët nga një.
Më pas është parashikuar që të ngrihet një grup i përbashket PD-PS me 6 anëtarë që do të përzgjedhë një kandidat i cili do të duhet të votohet më pas në Parlament/
Kandidati i propozuar do të marrë firmat e përbashkëta të PD-PS.
