Akademia Olimpike Ndërkombëtare (AO) është duke organizuar sesionin e 15-të saj për delegatët e Akademive Olimpike Kombëtare dhe Komiteteve Olimpike Kombëtare.
Në mesin e 110 delegatëve, për herë të parë në këtë sesion po marrin pjesë edhe udhëheqësit e Akademisë Olimpike të Kosovës, Fitim Arifi dhe Diellza Kelmendi.
Në sesion po ligjërojnë ligjërues të shumtë, kurse temat janë: Strategjia digjitale për promovimin e vlerave olimpike, lëvizja olimpike, olimpizmi në platformën digjitale, etj.
Sesioni që po mbahet në Olimpia të Greqisë, ka nisur më 16 korrik dhe do të zgjasë deri më 22 korrik 2022.
