Beyoncé ka arritur zyrtarisht statusin e miliarderes, duke u bërë një nga pak muzikantët që e kanë arritur këtë së bashku me bashkëshortin e saj Jay-Z.
Pas suksesit të turneut të saj botëror Renaissance World Tour 2023 që fitoi më shumë se 600 milionë dollarë, dhe epokës së saj të fundit “Cowboy Carter”, Beyoncé e përforcoi statusin e saj si miliardere, sipas Forbes.
Vetëm katër muzikantë të tjerë e kanë arritur këtë moment historik, përfshirë Jay-Z, Taylor Swift, Rihanna dhe Bruce Springsteen.
Në korrik 2025, Beyoncé mbylli turneun e saj “Cowboy Carter” dhe “Rodeo Chitlin’ Circuit Tour”, i cili shoqëroi albumin e saj të tetë në studio “Cowboy Carter”, i publikuar më 29 mars 2024.
Shfaqja e saj e fundit sinjalizoi fundin e epokës së saj “Cowboy Carter”, një turne me 32 ndalesa në stadium që përfshiu SHBA-në dhe Evropën.
Gjatë viteve të fundit, Beyoncé ka nisur një sërë sipërmarrjesh biznesi, duke përfshirë uiskin SirDavis në partneritet me Moët Hennessy, markën e kujdesit për flokët Céced dhe aromat. Pa përmendur që ajo gjithashtu nisi një partneritet të ri me Levi’s Jeans vitin e kaluar.
Burimi: botasot.info
