Deputetet italiane do të mund të ushqejnë me gji fëmijët e tyre në sallën e Kuvendit.
Kështu ka vendosur Këshilli për Rregulloren në Kuvendin italian, raporton la Republica.
Përfaqësuesit e Këshillit të Rregullores sqarojnë se ushqyerja me gji do të lejohet derisa fëmijët të bëhen një vjeç dhe se në në rreshtin e fundit dhe më të lartë të sallës së Kuvendit do të projektohen posaçërisht vende për nënat me fëmijë.
Kryeministrja italiane Giorgia Meloni e komentoi pozitivisht vendimin dhe nënvizoi: “Është një shenjë e rëndësishme e vëmendjes ndaj mëmësisë, fëmijëve dhe familjes dhe një hap përpara në rrugën e bashkëjetesës së jetës profesionale dhe personale.”
