Avokati Ardian Bajraktari ka thënë se kërkesa për ndërrimin e lokacionit të varrit të Liridona Ademaj, është legjitime.
Sipas tij, pas kësaj kërkese organet e drejtësisë duhet të reflektojnë pa vonesa.
“Mund të konstatohet se ndërrimi i lokacionit të varrit të të ndjeres nuk ka pengesa ligjore, andaj mund të ndërrohet, si dhe ta udhëzojë Policinë për të ofruar asistencë për shkaqe sigurie, ndonëse kjo e fundit për këtë gjë është e vetëdijshme”.
Postimi i plotë:
Kërkesa e familjes së të ndjeres Liridona, për ndërrim të lokacionit të varrit, është legjitime dhe nuk ka pengesa ligjore.
Andaj në lidhje me një kërkesë e tillë drejtuar organeve të drejtësisë, të njëjtat duhet reflektuar pa vonesë.
E gjithë ajo çfarë duhet bërë prokurorja e rastit në lidhje me këtë kërkesë, është që të konstatojë nëse ka apo jo nevojë për sqarimin e ndonjë rrethane lidhur me shkakun, mekanizmin dhe mënyrën e vdekjes së të ndjeres, përmes autopsisë shtesë mjeko ligjore, nëse jo, të konstatohet kjo gjë.
Me vet faktin se është kryer varrimi, autopsia është bërë, ka përfunduar kompetenca e prokurorit të çështjes.
Po ashtu, mund të konstatohet se ndërrimi i lokacionit të varrit të të ndjeres nuk ka pengesa ligjore, andaj mund të ndërrohet, si dhe ta udhëzojë Policinë për të ofruar asistencë për shkaqe sigurie, ndonëse kjo e fundit për këtë gjë është e vetëdijshme.
