Parku Kombëtar Mali Sharr ka njoftuar se përskaj vendimit të Qeverisë për ndalesë të lëvizjes në pyjet e Maqedonisë së Veriut, për ta vizituar këtë Park Kombëtar duhet të regjistrohen në linkun më poshtë ose në Drejtorinë e Parkut Kombëtar prej orës 09:00 deri në ora 15:00, transmeton TV21.
Të dhënat që nevojiten për t’u regjistruar në Drejtori:
- emri dhe mbiemri
- numri amë
- targat e mjetit motorik
- data e vizitës dhe kohëzgjatjes së qëndrimit
- lokacioni/vendi ku do të lëviz
Linku i regjistrimit: https://www.sarmountain.org.mk/evidenten-list-posetiteli
“Me qëllim që të parandalohen pasojat e papëlqyeshme, ju rikujtojmë se në territorin e Parkut Kombëtar Mali Sharr është rreptësishtë e ndaluar të ndizet zjarr në hapësirë të hapur, mos të hedhen shishe të qelqit dhe plastikës, mos të bëhet ndezja e mbeturinave dhe mjeteve tjera zjarrvënëse dhe mos të hedhen bishta dhe filtera cigaresh të ndezura”, qëndron në njoftimin e PKMSH-së.
Vizitori obligohet ta lëshojë zonën rreptësishtë të mbrojtur deri ora 17:00, ndërkaq nëse vërehet zjarr të paraqiten në numrin e tel. 112 në Qendrën për Menaxhim me Kriza./TV21
Burimi: TV21
