Presidenti rus Vladimir Putin, ka paralajmëruar kundër përpjekjeve të mëtejshme të vendeve perëndimore për të zëvendësuar naftën ruse me alternativa.
“Kjo do të ketë pasoja për ekonominë botërore dhe pasojat e hapave të tillë mund të jenë shumë të dhimbshme”, ka thënë Putin, raporton Sky News, përcjell Bota sot.
Edhe ato që ai i quan “vendet jomiqësore” nuk kanë mundur të ndalojnë përdorimin e gazit rus.
Kjo vjen pasi Rusia thotë se furnizimet kanë ardhur në Evropë, pavarësisht angazhimeve perëndimore për të hequr dorë nga furnizimi i Rusisë.
Putin pranoi se ka pasur ndërprerje në pagesat për naftën dhe gazin (pasi ai kërkoi që pagesa të bëhej në rubla) dhe tha se kompanitë e gazit janë lojtarë “përgjegjës” në tregun global.
Ai akuzoi gjithashtu SHBA-në se ka linja furnizimi më të shtrenjta, duke shtuar se linja e Rusisë është e qëndrueshme dhe e lirë./Botasot
