MPB: Gjobat nga “Safe City” së shpejti do të arrijnë tek automjetet me targa të huaja në të gjitha pikat kufitare

Nga MPB për “Sloboden Peçat” thonë se sistemi “Safe City” do të fillojë të funksionojë në Tabanoc këto ditë, së pari, dhe së shpejti në të gjitha pikat kufitare. Për momentin nuk ka ndonjë datë të caktuar se kur do të fillojnë.

“Sistemi “Safe City” do të fillojë të funksionojë në Pikën Kufitare Tabanoc këto ditë, ku të gjithë drejtuesit e automjeteve me targa të huaja që janë regjistruar nga MPB si të kenë kryer një kundërvajtje ose krim në territorin e Republikës së Maqedonisë së Veriut do të njoftohen se kanë kryer një kundërvajtje, do t’u lëshohet një Raport për Shkelje të Rregullave të Rrugës me një urdhër pagese për kundërvajtje, pas së cilës do t’u ofrohet të paguajnë ose do të çohen në gjykatën kompetente me një procedurë të shpejtë. Kjo mënyrë funksionimi së shpejti do të fillojë të funksionojë në të gjitha pikat kufitare”, thonë nga MPB.

Derisa të bëhet e qartë se si do të funksionojnë në praktikë urdhër-pagesat ose gjykatat, e vetmja pengesë në rrugë për qytetarët e huaj mbetet policia e trafikut, të ashtuquajturit interceptorë.

Nga MPB thonë se janë vazhdimisht në detyrë përgjatë rrugëve kryesore të tranzitit korridoreve 8 dhe 10, megjithëse duke pasur parasysh vëllimin e trafikut gjatë verës, është fizikisht e pamundur të kapen të gjitha shkeljet, prandaj u vu në funksion “Safe City”. përcjell Zhurnal.mk .