Disa pjesë të Francës dhe Spanjës po shohin një fund tetor jashtëzakonisht të ngrohtë, ku temperaturat e ujit shkojnë deri 21 gradë Celsius në Rivierën Franceze.
“Ky vit është i jashtëzakonshëm”, tha Rose-Marie Martini për agjencinë e lajmeve reuters teksa nxihej në plazh në Nice.
“Në fund të tetorit ftohet normalisht dhe nga Dita e Gjithë Shenjtorëve [1 Nëntor] zakonisht bie shi”, pohoi ai.
Miliona të shqetësuar për rritjen e çmimeve të karburantit në Evropë nuk do të duhet të ndezin ngrohjen e tyre ende, raporton bbc.
Megjithatë, mund të jetë gjithashtu një shenjë e ndryshimit të modeleve të motit pas një vere që pa nxehtësi ekstreme në Evropë, me zjarre të egra dhe thatësira.
Valët e të nxehtit janë bërë më të shpeshta dhe më intensive dhe zgjasin më gjatë, për shkak të ndryshimeve klimatike të shkaktuara nga njerëzit.
Bota tashmë është ngrohur me rreth 1.1 gradë Celsius që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë shkurtime të mëdha të emetimeve.
OKB-ja ka paralajmëruar se nuk ka “një rrugë të besueshme” për të mbajtur rritjen e temperaturave globale nën pragun kryesor prej 1.5 gradë Celsius.
Në ditët e ardhshme Nice mund të presë një temperaturë maksimale ditore prej rreth 24 gradë Celsius, me një parashikim të ngjashëm për Malagën në jug të Spanjës.
Franca ka regjistruar temperatura prej pesë deri në gjashtë gradë mbi normalen në dhjetë ditët e fundit.
