Ylli i Juventusit, Alvaro Morata ka folur për herë të parë për marrëveshjen që nuk u arrit për kalimin te Barcelona në janar.
Barcelona dëshironte me patjetër transferimin e spanjollit dhe lojtari ishte i hapur që t’i bashkohet katalunasve, por marrëveshja nuk u arrit pasi Juventus nuk pranoi shitjen, derisa edhe Atletico nuk lejonte huazimin.
Sidoqoftë, Morata ka zbuluar se ka biseduar me Allegrin për këtë gjë, ndërsa deklaroi se është i lumtur te “Zonja e Vjetër”.
“Nuk është e rëndësishme tani. Kam pasur bisedë me Allegrin për atë (oferta e Barcelonës), ai më tha se arritja e Dusan do më ndihmonte dhe kështu do jetë”.
“Jam i lumtur që jam te Juventus, nëse do varej nga unë, do doja të qëndrojë këtu gjithmonë”, deklaroi ai.
Ndërkohë, thuhet se Juventus nuk planifikon ta blejë Moratan në verën e ardhshme.
