Nesër (e mërkurë) zhvillohet ndeshja derbi ndërmjet Prishtinës dhe Dritës në stadiumin “Fadil Vokrri”.
Kryeqytetasit kanë publikuar çmimet e biletave për duelin e shtyer të xhiros së tretë.
Hyrja në sektorin e Jugut për “Plisat” do të jetë gratis, pasi klubit i duhet përkrahja e madhe në këtë ndeshje të vështirë.
Ndërkaq, çmimet e biletave në sektorët e tjerë janë këto: Veri – 2 euro, Lindje – 2 euro, Perëndim – 3 euro dhe VIP – 15 euro.
Kujtojmë se në këtë ndeshje do të udhëtojnë edhe “Intelektualët” për ta përkrahur Dritën, andaj pritet një atmosferë fantastike.
Tifozët gjilanas do të vendosen në sektorin e Veriut.
Ndeshja në “Fadil Vokrri” do të fillojë në orën 19:00.
