Anëtarët e Shërbimit Inteligjent Kombëtar të Türkiye-s (MIT) kryen një tjetër operacion të suksesshëm antiterrorist në veri të Irakut dhe neutralizuan terroristin Halid Resa Kasim, i cili konsiderohej si shefi i sigurisë së organizatës terroriste PKK/KCK-YBS në Sinxhar, raporton Anadolu.
Burime të paidentifikuara të sigurisë thanë se operacioni u krye nga agjentët e MIT të infiltruar në Sinxhar.
Terroristi i neutralizuar Halid Resa Kasim, me emrin e koduar Dindar Avesta, ishte në krye të strukturës terroriste të të ashtuquajturës njësitë mbrojtëse të Sinxharit (YBS).
Gjatë operacionit u neutralizuan edhe truprojat e tij.
Kasim iu bashkua organizatës terroriste PKK në vitin 2014 dhe mori pjesë në trajnimin e terroristëve dhe ishte përgjegjës për njësitë në aktivitetet e rekrutimit. Ai është përgjegjës për një sërë sulmesh terroriste në rajon.
PKK është organizatë separatiste dhe terroriste që është në listën e grupeve terroriste në Türkiye, Bashkimin Evropian dhe SHBA. Gjatë fushatës terroriste disa dekadashe kundër Türkiye-s, terroristët e PKK kanë vrarë të paktën 40 mijë njerëz.
