Ministri i Infrastrukturës, Liburn Aliu dhe kryetari i Komunës së Deçanit, Bashkim Ramosaj kanë nënshkruar memorandumin e mirëkuptimit për projektin “Rregullimi i shtratit të Lumbardhit në Deçan”.
Aliu ka shkruar në Facebook se Ministria e Mjedisit, Planifikimit Hapësinor dhe Infrastrukturës dhe Komuna e Deçanit janë pajtuar për vazhdimin e bashkëfinancimit të projektit “Rregullimi i shtratit të Lumbardhit në Deçan”.
“Si rezultat, u pajtuam që me këtë aneks marrëveshje të vazhdojë bashkëfinancimi, me ç’rast ministria do t’i sigurojë mjetet e financimit për vitin 2022 nga kodi i projektit 15642, të ndara sipas Ligjit të Buxhetit për vitin 2022, në vlerë prej 613,594.00 euro”, ka shkruar ai.
