Ministri slloven i Mbrojtjes Matej Tonin deklaroi sot, pas bisedimeve me homologun e tij britanik Ben Wallace në Lubjanë, se Sllovenia nuk do të dërgojë armë në Ukrainë, por do të mbetet një anëtare e besueshme e NATO-s.
Pas bisedimeve kushtuar situatës në Ukrainë, Tonin tha se nuk dëshiron që të shpërthejë një luftë në Evropën Lindore, por se Rusisë duhet t’i dërgohet një mesazh i qartë, transmeton Hina.
Në Ukrainë, paqja është sigurisht më e mirë dhe më e keqe se një luftë e mirë, tha Tonin, duke shtuar se vendi i tij “për momentin” nuk po konsideron dërgimin e armëve, siç kanë bërë disa anëtarë të tjerë të NATO-s, për shkak të “mundësive të kufizuara” të pranimit të armëve dhe pajisjeve që Ukraina mori nga vendet tjera.
“Më duket se është thelbësore që ne t’i dërgojmë Putinit një mesazh të qartë dhe brenda kornizës së aleancës në NATO se çmimi i luftës është thjesht shumë i lartë,” tha Tonin pas takimit me ministrin britanik.
