Zelensky: Trupat ukrainase po i rezistojnë sulmeve ruse në Severodonetsk
Presidenti i Ukrainës, Volodymyr Zelenksy ka thënë se forcat ukrainase po i rezistojnë sulmeve ruse rreth qytetit Severodonetsk në rajonin lindor të Donbasit.
Ai u shpreh se ky është një lloj suksesi për ushtrinë ukrainase.
“Ne kemi njëfarë suksesi në betejat në Severodonetsk. Por, është shumë herët për të thënë dhe situata atje është shumë e vështirë”, u shpreh ai.
Sipas raportimeve, luftimet në rrugë kanë vazhduar në Severodonetsk, raporton CNN.
“Sa më shumë të zgjasë lufta, aq më shumë gjëra të turpshme dhe cinike Rusia do të shkruajë përgjithmonë në historinë e saj”, është shprehur Zelensky.
Zelensky thirrje Perëndimit: Duam më shumë armë në Ukrainë, të dhënat e luftës po ndryshojnë
“Këto ditë, Rusia po humbet luftën kundër Ukrainës, Evropa mund të jetë fituese për shumë dekada”, tha presidenti ukrainas, Volodymyr Zelensky në Forumin Ndërkombëtar të Sigurisë GLOBSEC, teksa i bëri thirrje perëndimit për të shtuar dërgesat e armëve në Kiev.
“Në fushën e betejës po vendoset nëse do të ruhet liria në Evropë për të gjithë popujt pa përjashtim. Situata aktuale mund të ndryshojë rrjedhën e konfrontimit. Tani për tani, këto ditë, kur Rusia po humbet luftën kundër Ukrainës , liria e evropianëve do të jetë fituese për shumë dekada në vazhdim”, tha Zelensky.
Ndër të tjera Zelensky u bëri thirrje partnerëve ndërkombëtarë që të mbështesin Ukrainën edhe më shumë me armë, ekonomikisht dhe politikisht.
“I jemi mirënjohës për ndihmën që marrim, secilit që na ndihmon. Por dërgesat e armëve duhet të rriten”, deklaroi presidenti ukrainas.
Pas SHBA-së dhe Anglisë, Suedia do të dërgojë sisteme raketore në Ukrainë
SHBA dhe Mbretëria e Bashkuar do të dërgojnë sisteme raketore në Ukrainë. Së fundmi edhe Suedia ka deklaruar se do të dërgojë armë shtesë për forcat e Kievit, në një paketë të re me vlerë 102 milion dollarë, duke përfshirë raketa kundër anijeve bregdetare.
Raketat “Robot 17” të prodhimit suedez, 5,000 lëshues antitank dhe pushkë sulmi AG 90 janë në krye të armëve të dërguara tashmë nga Suedia.
Danimarka tashmë ka dërguar raketa anti-anije Harpoon në Ukrainë, e cila po forcon mbrojtjen e Odesës, një port jetik.
Rusia pushtoi portin e Mariupolit, tashmë i rrënuar, pas muajsh luftimesh të ashpra.
Pushtimi i Rusisë e shtyu Suedinë të thyente një politikë neutraliteti që daton prej dekadash, më parë Suedia nuk u dërgonte armë kombeve në luftë.
Muajin e kaluar Suedia dhe Finlanda fqinje vendosën t’i bashkohen NATO-s, një moment vendimtar në qëndrimin mbrojtës të vendeve nordike.
Ministri rus: Ekziston rreziku i shkurtimit të vendeve të punës në Rusi
Ministri rus i ekonomisë është shprehur se rrezikohet që të ketë shkurtime të vendeve të punës në Rusi dhe një rënie të investime të gjendur para sanksioneve perëndimore për Ukrainën.
“Një krizë e zgjatur mund të “çojë në një ulje të punësimit”, tha ministri Maksim Reshetnikov.
Që nga muaji Shkurt, ekonomia e Rusisë ka pësuar goditje si pasojë e sanksioneve të vendosura nga vendet perëndimore.
Goditja fillestare e detyroi tregun e aksioneve në Rusi të mbyllej përkohësisht dhe pa njerëz që rrinin në radhë në bankomate, të shqetësuar për kursimet e tyre.
Megjithatë, ndërhyrjet e Bankës Qendrore të Rusisë kanë bërë që rubla të kthehet në nivelet e paraluftës, të cilat përfshinin kufizimin e sasisë së parave që njerëzit mund të transferonin jashtë vendit, si dhe detyrimin e eksportuesve të konvertonin 80% të të ardhurave të tyre jashtë shtetit në monedhën ruse.
