Ministri i Jashtëm i Suedisë, Tobias Billström nesër do të zhvillojë një vizitë në Türkiye, transmeton Anadolu Agency (AA).
Në një deklaratë nga Ministria e Jashtme thuhet se në bisedimet që do mbahen nesër mes ministrit të Jashtëm turk Mevlüt Çavuşoğlu dhe homologut të tij suedez, Billström do të diskutohen marrëdhëniet dypalëshe Türkiye-Suedi.
Gjatë bisedimeve në fjalë parashikohet të shkëmbehen pikëpamjet në çështjet për marrëdhëniet Türkiye-BE në kuadër të presidencës së radhës të Bashkimit Evropian (BE) që Suedia do të marrë në janar 2023, procesi i anëtarësimit të Suedisë në NATO si dhe për çështjet rajonale dhe ndërkombëtare.
