ministri britanik pushtimi i ukraines do te shenoje renien e putinit 62273ba3ab242

Ministri britanik: Pushtimi i Ukrainës do të shënojë rënien e Putinit

March 8, 2022
1 minut lexim

Sekretari britanik i Mbrojtjes, Ben Wallace, tha se pushtimi i Ukrainës do të shënojë rënien e presidentit rus, Vladimir Putin.

Wallace tha se forcat ruse, që janë angazhuar në pushtimin e Ukrainës, janë “rraskapitur” tashmë nga rezistenca e forcave lokale.

Ai tha se ushtria ruse po përballet me probleme logjistike dhe ka pësuar mijëra humbje në 13 ditët e para të pushtimit.

Wallace shtoi se është “detyrë e pamundur” të pushtosh një vend me 44 milionë banorë.

“Ky do të jetë fundi i Putinit dhe kështu duhet të jetë”, tha Wallace për BBC-në.

Sipas tij, Putin është tashmë “një forcë e shpenzuar” në botën e gjerë, sepse komuniteti ndërkombëtar ka konstatuar se pushtimi i Ukrainës dhe katastrofa humanitare që ai ka shkaktuar, “janë të papranueshme”.

Sanksionet ndërkombëtare, të vendosura ndaj Rusisë, “po e zvogëlojnë ekonominë e tij në zero” dhe Putin “është përgjegjës për këtë”, tha Wallace.

Perëndimi ka ndërmarrë një varg sanksionesh ekonomike dhe diplomatike kundër Rusisë, pasi kjo e fundit ka nisur pushtimin e Ukrainës, më 24 shkurt.

Putin ka dhënë urdhrin për pushtim pasi nuk ka marrë garanci nga NATO-ja se nuk do të zgjerohet më drejt lindjes./REL

GAZETA.MK

MARKETING

RENT A CAR

marreveshja e budapestit e lidhur ne vitin 1994 midis ukraines kazakistanit bjellorusise rusise shba se dhe britanise se madhe mbi armet berthamore 62273b9f92785
Story i mëparshëm

Marrëveshja e Budapestit e lidhur në vitin 1994 midis Ukrainës, Kazakistanit, Bjellorusisë, Rusisë, SHBA-së dhe Britanisë së Madhe mbi armët bërthamore

cfare po ngjan me ndeshjen e mbetur bologna inter 62273ba9ad5d2
Story i radhës

Çfarë po ngjan me ndeshjen e mbetur Bologna – Inter?

Të fundit nga

Serë kanabisi në Thumanë, arrestohet 28 vjeçari

Në vijim të megaoperacionit kombëtar të koduar “Koordinata”, shërbimet e Komisariatit të Policisë Krujë, gjatë kontrollit të territorit, nga toka dhe nga ajri, duke përdorur dronë, kanë konstatuar në fshatin Thumanë, një
ShkoLartë