Ministri i Shëndetësisë zhvilloi takim me ambasadorin kinez në vend, Zhang Zuo, i cili është një mik i dëshmuar i Maqedonisë së Veriut, gjithmonë i gatshëm për të mbështetur sistemin shëndetësor të RMV-së.
-“Në takimin e sotëm u diskutua për përshpejtimin e shërbimit të automjeteve të ndihmës së shpejtë me 30 vetura të reja, si mbështetje dhe ambasadori Zuo theksoi angazhimin për ardhjen e tyre sa më shpejt.
Me këtë rast, falënderova ambasadorin Zhang Zuo dhe popullin e Republikës Popullore të Kinës si mbështetësit tanë të mëdhenj në trajtimin e pandemisë së COVID-19 , theksoi ministri Sali.
Në takim u ra dakord edhe për përforcimin e kuadrit në Qendrën për Mjekësi Tradicionale Kineze në Shtip.
