Ministri i Shoqërisë Informative dhe Administratës, Admirim Aliti, gjatë ditës së sotme ka nënshkruar Deklaratën për bashkëpunim me homologun e tij bullgar Bozhidar Bozhanov.
Në njoftimin thuhet, se kjo deklaratë ka për qëllim zhvillimin dhe forcimin e bashkëpunimit mes dy palëve.
“Sot, së bashku me homologun tim bullgar Bozhidar Bozhanov, nënshkruam Deklaratën për bashkëpunim, si pjesë e një takimi të grupit ndërqeveritar të punës mbi bashkëpunimin evropian – tranzicioni i gjelbërt, bashkëpunimi digjital dhe shteti i së drejtës.
Kjo deklaratë, mes Ministrisë për Shoqëri Informatike dhe Administratës së Republikës së Maqedonisë së Veriut dhe Ministrisë së Qeverisjes Elektronike të Republikës ë Bullgarisë, ka për qëllim krijimin, zhvillimin dhe forcimin e bashkëpunimit dypalësh në fushën e shërbimeve elektronike konfidenciale dhe identifikimit elektronik”, thuhet në njoftimin e ministrit Aliti.
