onkluzioni i parë i seancës së Komitetit Ekzekutiv të VMRO-DPMNE-së është mbështetja për unitetin e grupit të deputetëve të Koalicionit të udhëhequr nga VMRO-DPMNE-ja që janë kundër ndryshimeve kushtetuese, ndërsa tema e dytë që diskutuam është apeli për kryetarin e Kuvendit të mos e keqpërdorë rregulloren. Konkluzioni i tretë është se për të dalë nga kjo situatë janë të nevojshme zgjedhje të parakohshme parlamentare gjatë këtij viti, informoi deputeti dhe anëtar i KE-së së VMRO-DPMNE-së Antonio Milloshoski.
Ai ka deklaruar sonte se gjatë seancës së radhës të Komitetit Ekzekutiv të VMRO-DPMNE-së, është diskutuar për gjendjen aktuale politike, lidhur me ndryshimet kushtetuese qeveritare të propozuara në Kuvend.
“Komiteti Ekzekutiv falënderoi dhe mbështeti unitetin e grupit të deputetëve të Koalicionit të udhëhequr nga VMRO-DPMNE, të cilët kanë treguar se respektojnë vullnetin e popullit dhe janë kundër ndryshimeve të tilla kushtetuese të imponuara nën diktat të Sofjes zyrtare”, tha Milloshoski.
Ai shtoi se tema e dytë në të cilën biseduan është apeli dhe kërkesa ndaj kryetarit të Kuvendit të mos e keqpërdorë Rregulloren. Ai, siç theksoi Milloshoski, është në atë pozicion për të mundësuar marrjen e vendimeve, pa dallim nëse vendimi i pëlqen pushtetit ose nuk i pëlqen.
Dalja nga kjo situatë, sipas Milloshoskit, do të ishte zgjedhje të parakohshme parlamentare gjatë këtij viti. Për këtë, theksoi, duhet të bëhet marrëveshje me konsensus.
“Fakti që Kovaçevski dhe Ahmeti janë të zhgënjyer që mezi kanë 70 deputetë, nuk do të thotë se deputetët tjerë nuk duhet të votojnë dhe të shohin se kjo nismë është projekt i dështuar i LSDM-së dhe BDI-së. Gjëja e tretë që e konsiderojmë si politikisht korrekte dhe të nevojshme për Maqedoninë në këtë moment është konkluzioni i Komitetit Ekzekutiv se ky pushtet është delegjitimuar. Legjitimiteti i LSDM-së dhe BDI-së jo vetëm në lidhje me ndryshimet kushtetuese, por edhe në ekonomi, arsim, pensionistë, studentë, ekonomi është shkelur plotësisht. Ata nuk ofrojnë zgjidhje, krijojnë më shumë probleme, prandaj besojmë se rrugëdalja nga kjo situatë do të ishin zgjedhjet e parakohshme parlamentare gjatë këtij viti”, tha Milloshoski.
Ai përmendi se të gjitha partitë politike duhet të bëjnë sa më shpejt ndryshimet dhe plotësimet e nevojshme të Kodit Zgjedhor.
“Të shkojmë në zgjedhje, që qytetarët të cilët kujdesen për sovranitetin të marrin vendim për zgjidhjen e kësaj situate problematike në të cilën supozohet të jetë qeveria në Maqedoni. Ne nuk do të vazhdojmë hapat tanë të ardhshëm në drejtim të kësaj kërkese edhe në Kuvend, por në vendet e tjera do të përpiqemi të bëjmë zgjedhje të parakohshme parlamentare me të gjitha mjetet demokratike. Nuk duhet të jetë një proces mbivotimi. Duhet të jetë një proces i pajtimit të ndërsjellë në të cilin të gjithë faktorët politik dhe ekonomik duhet të mbështesin vazhdimin e zgjedhjeve”, tha Milloshoski.
I pyetur se cilat janë hapat e ardhshëm të partisë, Milloshoski u përgjigj se do të ofrohet program për dalje nga kriza politike dhe ekonomike në të cilën pushteti e solli vendin.
I pyetur nëse ka mundësi në këto momente të vazhdohet seanca parlamentare, ai theksoi se ndërprerja e seancës është jozyrtare dhe se duhet votuar menjëherë që të respektohet vullneti i popullit dhe të mos ketë shumicë deputetësh të cilët do të mbështesin amendamentet kushtetuese nën diktatin e Sofjes zyrtare.
