Vetëm një vit pas kalimit te Barcelona, Memphis Depay mund të largohet nga klubi “blaugrana”.
Disa klube europiane janë duke e ndjekur holandezin dhe nga mediet spanjolle raportohet së njëri prej tyre ka bërë dhe ofertë për kartonin e sulmuesit.
Milan, Juventus, Inter dhe Napoli po e ndjekin 28-vjeçarin nga afër. Megjithatë, Tottenham kanë përparuar në këtë garë, pasi kanë bërë edhe një ofertë për Depay-n.
Pas një sezoni te Barça, ishi i Olympique Lyon mund t’i thotë mirupafshim katalanasve.
Në fillim sulmuesi pati nisje pozitive te Barcelona, por më pas “u zhduk”, ndërsa afrimi i Pierre-Emerick Aubameyang dhe Ferran Torres e lanë holandezin në stol.
