Kryetari i VMRO-DPMNE-së Hristian Mickoski, i ka bërë thirrje qeverisë që të pranojë kërkesat e SASHK-ut dhe ligjin për nivelim të pagave, që është propozim i VMRO-DPMNE-së dhe menjëherë ta kthejë në procedurë parlamentare.
Mickoski deklaroi se populli është ngopur thjesht me politikanë të paaftë, politikanë që kujdesen vetëm për buxhetet e tyre personale, dhe nuk i intereson standardi i punëtorit, i qytetarëve dhe prandaj na ndodhin këto trazira sociale.
“Të pranohen kërkesat dhe të nivelizohen të ardhurat e punëtorëve, sepse është vërtet e vështirë të jetosh, sepse inflacioni është i madh. Inflacioni muajin e kaluar ishte 8.8% në vit dhe kjo është me të vërtetë një normë jashtëzakonisht e lartë që do të tejkalojë të gjitha parashikimet e parashikuara më parë nga kjo qeveri jo e besueshme”, ka deklaruar Hristijan Mickoski, raporton SHENJA.
Ai nga Koçani theksoi se si opozitë kanë paralajmëruar se do të ndodhë kjo situatë dhe për këtë arsye , Kuvendit i kanë propozuar ligjin për nivelizimin e pagave, por askush nga qeveria jo kredibile nuk do t’i dëgjojë, këshillat e opozitës dhe kërkesat e punëtorëve, përmes sindikatave të ndryshme.
