Kandidati i koalicionit qeverisës VLEN për Komunën e Çairit, Izet Mexhiti, ka publikuar sot një video mesazh që përshkon me krenari rrugët, njerëzit dhe shpirtin e kësaj komune, duke e lidhur punën e përditshme me dashurinë për banorët e kësaj pjese të Shkupit.
“Ky është mëngjesi jonë, rruga jonë, ky është Çairi jonë, me hallin, gëzimin e mundin tonë, me lavdinë dhe krenarinë përgjithmonë. Ky është Çairi, me punëtorin, zanatlinë, mjekun, mësuesinë e suksesin tonë. Me të moshuarit, nënat, bijat, rininë e të gjithë mysafirët tanë. Ky është Çairi jonë, Çairi në planin tonë. Çdo ditë që punon, kujdeset e mundëson, Çairi i Shkupit tonë e Shkupi brenda Çairit tonë,” ka theksuar Mexhiti.
Sipas Mexhitit, përmes këtij mesazhi përcillet vizioni për një Çair të bashkuar, punëtor dhe krenar, ku çdo qytetar është pjesë e zhvillimit dhe mirëqenies së përbashkët.
