Bashkëkryetari I VLEN-it, Izet Mexhiti në një deklaratë për “Euronews Albania” ka thënë se janë për zgjidhje institucionale të çështjes së studentëve dhe se e mbështesin protestën e tyre.
“Por njëherësh e kemi dënuar tentimin për instrumentalizimin e tyre nga një pjesë e infiltruar brenda këtij grupi të studentëve që janë fëmijë të funksionarëve të BDI-së që nuk e kanë zgjidhur çështjen qe 20 vite. Në protestë dalin ministra shqiptarë të Drejtësisë që nuk e kanë zgjidhur këtë çështje dhe pse kanë pasur mundësinë, por të njëjtit sot pa fytyrë dhe pa turp dalin e protestojnë që në fakt protestojnë kundër vetvetes”, tha Mexhiti.
Ai mes tjerash tha se kanë marrë votën për të gjetur zgjidhje institucionale dhe janë duke e bërë këtë.
“Jemi për të gjetur zgjidhje, jo për të protestuar, nuk është problemi i protestës, i mbështesim protestat, por obligimi jonë është aty ku jemi të krijojmë zgjidhje dhe po krijojmë zgjidhje. Kemi zgjidh çështje edhe pa protesta të studentëve”, ka nënvizuar Mexhiti.
