Kryetari i Komunës së Butelit, Darko Kostovski, njoftoi ndarjen e një buxheti rekord prej 4.500.000 denarësh për mbështetjen e sportistëve më të suksesshëm nga Komuna e Butelit. Sipas tij, komuna vazhdon të dëshmojë epitetin si një nga më sportivet në vend, gjë e konfirmuar disa herë përmes arritjeve të larta sportive.
Nga sot është shpallur thirrja publike për ndarjen e bursave sportive, e cila do të jetë e hapur për 15 ditë.
Komuna do të ndajë gjashtë kategori bursash:
Bursa e kategorisë së parë: 12.000 denarë në muaj, për një periudhë njëvjeçare;
Bursa e kategorisë së dytë: 8.000 denarë në muaj, për një periudhë njëvjeçare;
Bursa e kategorisë së tretë: 5.000 denarë në muaj, për një periudhë njëvjeçare;
Bursa e kategorisë së katërt: 24.000 denarë, pagesë e njëhershme;
Bursa e kategorisë së pestë: 10.000 denarë, pagesë e njëhershme;
Bursa e kategorisë së gjashtë: 6.000 denarë, pagesë e njëhershme.
Të interesuarit duhet të dorëzojnë dokumentacionin e nevojshëm në arkivin e komunës, me shënimin “Thirrje për ndarjen e bursave sportive për sportistët e Komunës së Butelit”. Kushtet dhe kriteret për përfitimin e bursave janë të përshkruara në mënyrë të detajuar në rregullore dhe në thirrjen publike, e cila mund të gjendet në këtë link:
Për transparencën e procesit është caktuar një komision i përbërë nga përfaqësues të administratës komunale, ndërsa sipas rregullores, kriteri kryesor për përzgjedhjen e përfituesve do të jenë rezultatet e arritura sportive.
Nga Komuna e Butelit theksojnë se ndarja e bursave sportive përfaqëson një hap të rëndësishëm në mbështetjen e sportistëve dhe zhvillimin e talenteve të rinj.
