Mësohet se çfarë i tha Biden presidentit ukrainas në telefon

Shtëpia e Bardhë para pak çastesh ka lëshuar komunikatë ku ka dhënë detaje për bisedën që presidenti i SHBA-së, Joe Biden ka pasur me homologun ukrainas, Volodymyr Zelenskyy.

Biseda erdhi menjëherë pasi presidenti rus, Vladimir Putin ka nënshkruar një dekret ku ka njohur dy rajonet ukrainase, Donetskun dhe Luhanskun.

Në komunikatë, Shtëpia e Bardhë deklaroi se Biden ritheksoi përkushtimin ndaj sovranitetit dhe integritetit territorial të Ukrainës dhe dënoi vendimin e Putinit që “gjoja të njohë pavarësinë e dy territoreve në Ukrainën lindore”.

Biden e njoftoi Zelenskyyn për planet për veprim, sidomos për sanksionet.

“Presidenti Biden përsëriti se SHBA-ja do të përgjigjet me shpejtësi dhe vendosmëri, në koordinim të plotë me aleatët dhe partnerët që të vazhdojë me ndalimin e agresionit rus në Ukrainë”, thuhet mes tjerash në komunikatë.

Shtëpia e Bardhë gjithashtu njoftoi për telefonatën tjetër me Presidentin francez Emmanuel Macron dhe kancelarin gjerman Olaf Scholz, ku u diskutua se si do të vazhdojnë koordinimin e hapave të mëtutjeshëm. 

GAZETA.MK

Story i mëparshëm

Tirana dhe Prishtina për të ardhmen e vendit duhet t’i kenë pikat orientuese të përbashkëta kombëtare!

Story i radhës

Ja çka synon Xherdan Shaqiri në Chicago Fire

Të fundit nga

AlbanianMacedonianEnglish