Kombëtarja malazeze e futbollit e nisi vitin 2022 nga vendi ku e përfundoi vitin e kaluar.
FIFA ka publikuar listën më të fundit të renditjes në të cilën Mali i Zi zë vendin e 72-të, shkruan media malazeze “Pobjeda”.
“Nga vendet me hapësirë “Ex Yu”, Kroacia është e renditur më mirë, është në vendin e 15-të me 1620 pikë.
Serbia është e 25-ta me 1547 pikë, ndërsa Bosnja dhe Hercegovina në pozitën e 59-të (1391).
Përballë Malit të Zi janë Sllovenia dhe Maqedonia e Veriut, të cilat renditen në vendin e 64-të përkatësisht 67-të.
Mali i Zi ka 1342 pikë, ndërsa Kosova është e 109-ta me 1163 pikë.
Në krye të renditjes së FIFA-s është Belgjika (1828), e dyta është Brazili (1823) dhe e treta Franca (1786)”, shkruan mes të tjera ky medium.
