Kryeshefi policor A.M (45) nga Koçani ka marrë kallëzim penal për shkak të keqpërdorimin e detyrës zyrtare dhe autorizimeve pasi disa herë me automjetin e tij privat ka kaluar pa paguar pikëpagesat rrugore “Kadrifakovo” dhe “Preod”, duke treguar vetëm legjitimacionin zyrtar.
MPB-ja njoftoi se lidhur me këtë rast, nga NP “Rrugët Shtetërore” është dorëzuar edhe video-material nga kamerat e sigurisë ku në pikëpagesat e lartëpërmendura rrugore shihet se si zyrtari policor duke treguar legjitimacionin kalon pa paguar.
“I denoncuari, i punësuar në MPB, si Kryeshef i Departamentit për Kundërzbulim kriminalistik, statistika dhe dokumentime në SPB Koçanë – më 11 korrik të këtij viti disa herë duke kaluar pikëpagesat rrugore me automjetin e tij privat, punonjësve ua ka treguar legjitimicaionin dhe ka kaluar pikëpagesat rrugore” – thonë nga MPB-ja.
Krahas kallëzimit penal, nga MPB-ja paralajmërojnë se do të inicohet edhe procedura disiplinore, kurse ndërkohë zyrtari policor do të largohet nga vendi I punës deri në përfundim të procedurës.
Burimi: TV KLAN
